असे नाही

तू पाहुनी घे चांदणे सुखाचे

चंद्र तुझ्या भेटीस येईलच असे नाही

गाळुनी घे गं अश्रू दोन सुखाचे

पुन्हा दुःखाला तुझी दया येईलच असे नाही

अंधारात चालणे झालेच पुन्हा

आता उजेडाशी तुझी नव्याने भेट होईल असे नाही

दुःख कसले करावे आता

पुन्हा सुखाशी गाठ पडेलच असे नाही

अत्तराचा सुगंध दरवळत राहिला तरिही

रातराणीचे दुःख कोणाला कळले कसे नाही

चंद्र रोज येऊनि जाईल ही

पण तुझ्या नशिबी त्याचे दिसणे असेलच असे नाही

                 -©आदिती जाधव.